MC ALA SUMENEP

السلام عليكم ورحمة الله وبركاته

بسم الله الرحمن الرحيم، الحمد لله رب العالمين ، الصلاة والسلام على سيدنامحمد وعلى اله واصحابه المجاهدين الطاهرين

وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًۭا لِّتَسْكُنُوٓا۟ إِلَيْهَا وَجَعَلَ بَيْنَكُم مَّوَدَّةًۭ وَرَحْمَةً ۚ إِنَّ فِى ذَٰلِكَ لَءَايَٰتٍۢ لِّقَوْمٍۢ يَتَفَكَّرُونَ…

وَمِن كُلِّ شَىْءٍ خَلَقْنَا زَوْجَيْنِ لَعَلَّكُمْ تَذَكَّرُونَ…..

Hadrotil masyaikh al kiram, waashabul afadhil, sadaja alim tor ulama sadaja kyae, wanahussu bi dzikri salera epon se mulja Rombongan bhisan se rabu epon dari aeng dhake sumenep.

Wabil khusus se molja..........................minangka  otosan jughan kepala kantor urusan agama kec. Gapura.

Sadaja seppo tor kasemba’an kong langkong kepala desa Poja, jughan onjangan akromna wa ato’na sa’adatal kuroma’ se sadaja epon sangat abdina amoljegi tor malar moga emolja agiya sareng Allah SWT.

Langkong ce’ parjuga epon abdina sareng saja rabu sami ngonjuk agi poji syokkor al hamdulillah munggu ajunan guste Allah se sakalangkong socce tor mokteh, saengga abdina sareng sadaja rabu ampon kapareng banyak kanikmatan, hidayah sareng maonah epon. Saengga e saat baja seang ka’dinto abdina sareng para rabu ajunan sadaja edaddiyagi tor e takdirragi ka anggui bisa atatab rarae asalang songkem epalataran aghung dhalem kabhadaan bhinarang ate jumambhar pangghalian. Dhalem settong tarekah enggi ka’dinto AKDUN NIKAH antara oreng bini SITI NUR HAYATI, AMd.Kep, penotre bpk Sunawi. Sareng bakal epon UJANG PRAYITNO, S.Pd. Penotra Bpk Moh Rais Alm.

Malar moga akdun nikah se badhi kalampan e saat baje seang ka’dinto ededdiyagiya settong kaluarga se sakinah mawaddah warahma...amin yarobbal alamin.

Sesateros epon belas ase epon Allah moga tebtebbha kaatora kalaban lambha’ labbha’ lomanjhar dha’ guste panudhan bhadan kaula sareng rabu  sadhaja enggi ka’dhinto Nabi aghung MUHAMMAD S.A.W.

Asabab kalaban akabhabarra nabi aghung ghapaneka alam sorem pettheng dhaddi terang ate rekong dhaddi tenang tengka bhaghus dhadhi paddhang.

Padha ajunan sadaja sebadhan kaula amoljeagi...

Komalancang badhan kaulhe mator cangkolang monggu ajunan sadheja. Se ka’dimma abdina kabubbuwen dari sahibul hajah e saat baja seang ka’dinto badhi ngatorragi pan saponapan tarekah se badhi kalampan.

Pramila dari ka’dinto ngireng tarekah se kabidhan e kabidhi kalaban pamausan suratul fatihah seganjaran epon ehosussagiya da’ guste panudan badan kaule sareng rabu sadhaja enggi ka’dhinto nabiyallah Muhammad SAW ala hadihinniyah asaolehah wa,alakulli niyatin solehah alfatihah..............

Mala moga kalaban pamausan suratul fatihah lalampan tarekah akdun nikah ka’dinto kengenga ridha guste Allah SWT.

Padha ajunan sadaja abdina amolje’agi....

Acara sekapeng dua’ enggi ka’dinto pamaosan Alquran Al Karim se e sambungagi kalaban pamaosan solawat nabi sebedi emaos sareng salerana.............. dha’ salerana bakto kaator. .......... mator sakalangkong samoga semaos sareng semerengagi samiya kengeng pahala dari Allah SWT.malar moga kengeng syafa’at dari Rasulillah SAW.

Sadaja rabu se padha parjuga...

Kangguy tarekah se kapeng 4 enggi ka’dinto akdun nikah antara SITI NUR HAYATI, AMd.Kep sareng UJANG PRAYITNO, S.Pd.

Se ka’dimma hal ka’dinto badhi e pimpin sareng ......... dha’ salera epon semolja......................abdina ngatore.

Saka’dinto minangka lalampan akdun nikah malar moga ka’dinto e deddyagiya settong keluarga se sakinah mawaddah awarahma, amin ya robbal alamain.

Sadhaja rabu se emoljaagi sareng Allah....

Kangguy tarekah se kapeng 5 enggi ka’dinto jajar bhaan. Jajar bhaan se kabidhen badhi e jerbhe agi sareng se molja....................... minangka bhisan lake’.. da’ salera epon se molja....abdina ngatore.

Saka’dinto jajar bhaan se ampon ka ator malar moga sadaja pangareb dari rombongan bhisan kengenga ridha epon Allah.

Jajar bhaan se kapeng dua’ badhi e atoragi sareng se molja KH NAHRAWI menangka bhakkel deri shohibul hajah bapak sunarwi sekeluarga, da’ salera epon se molja KH NAHRAWI abdina ngatore.

Saka’dinto jajarbhaan se ampon ka ator malar moga sadaja pangareb pandu’a sadaja rabu katampana munggu ajunan guste Allah SWT.

Padha Ajunan Abdina Amolje’agi...

Kaanggui tarekah se kapeng 6 enggi ka’dinto doa,,, sebadhi e pimpin sareng se molja.... de’ salera epon se molja..............abdina ngatore.

Sadaja rabu ajunan abdina amolja’agi...

Sadaja tarekah ampon kalampan malar moga lalampan dari kabhidan kantos pamongkas ka’dinto kengenga ridha Allah SWT.

bhadan kaula menangka pamerte acara dhari kabid kantos pamongkas manabi bhada tengka sola se adhaddhiyagi sangkabel tor jarna’na okara sekorang dhukdhuk tor korang sondhuk mongghu pangghelianna ajunan sadhaja bhadan kaula anyo’ona sapora